MADIHIN 1
Judul :
Pendidikan anak
Oleh :
Algazali (26-3-2015)
Assalamu’alaikum
kami ucapakan
Kepada
hadirin sekalian
Baik nang
dikiri atau nang dikanan
Baik
bibinian atau lalakian
Baik nang
balu atawa nang bujangan
Baik nang
saorangan wan juan baanakan
Baik pejabat
pagawai kacamatan
Atau rakyat
kabanyakan
Pertama kami
sampaiakan
Selamat
batamuan
Marilah kata
panjatakan
Fuji sukur
lawan tuhan
Karana kita
dalam kaadaan
Masih kawa
batamuan
baumur
panjang wan sehat badan
Lawan jua
kata ucapkan
Salawat dan salam
Kepada nabi
akhir jaman
Nabi
muhammad sallalahu alihi salam
Jua kapada
keluarga nabi barataan
Jua kepada
sahabat beliau barataan
Jua pengikut
nabi sampai akhir jaman
a……. wan ……
a …….. wan …..
wahai kawan
nang di sabalah
aku asa uyuh
asa lapah
sambungkan
satumatlah
sambil
bapikir didalam hati
ulun batahan
aku bahanti
a… wan a… wan
ayuha kawan
ikam bamandak
aku
manyambungakan sambil baduduk
sabalum
batarus aku batindak
alangkah
baiknya kita bakanalan
kami datang
badua bakawan
matan
kampung padesaan
jauh di
unjut padalaman
ngaran ulun
dikiyau aman
ngaran kawan
ulun haji firman
langkapnya
hj muhammad firman
ba alamat
desa walatung kacamatan pandawan
pasnya rk
tiga rt anam
nomor rumah
umpat mintuhaan
maklum
anaknya nang bibinian
diam di
rumah ku ulah parinduan
parinduan
maharagu kakanakan
maharagu
kakanakaaan ….
Awan. ……
Balanjut
pulang kita pamugaan
Manjaga
masalah kasihatan
Mun sihat
nyaman ba usaha pakarjaan
Kahulu ka
hilir bacarian
Kakabun
atawa ka pahumaan
Batanam
bilungka atau tarung banaman
Tulak
manurih susubuhan
Manukui
banjur baisukanan
Baulah rumah
atau batukangan
Dan
lain-lain gawian
Tamasuk jua
ibadah kataatan
Lawan tuhan
yang pengasih lagi panyayang.
Panyayang
…..
Kawan di
higa gani i sambatiakan
Obatnya nang
ulun takunakan
Takunakan ….
+ sakit
parut napa ubatnya
_ pucuk
jambu dijarang lalu nginum banyunya
+ sakit mata
napa tatambanya
_ banyu
pucuk bamban itu obatnya
+ hidung
barastung napa ubatnya
_ puntalakan
pucuk sirih buat kahidungnya
+ sakit
pinggang nangapa tatambanya
_ sisingut
kucing bacampur madu rasa
+ ngalu
kapala diyapa maampihinya
_ di urut lalu
tarik rambutnya
+ mariap
gatar napa ubatnya
_ minyak gas
babanam diminum sasusudu haja
+ mun
kakanakan baliuran adakah ubatnya
_ kalungakan
samban di gulunya
+ Kakanakan pangamihan
jua adalah obatnya
_ igutakan
siur ragung di pusatnya
+ awak asa
garing napa obatnya
_ halu
lasung tatambanya
+ mun
palandawan pang jua
_ simbur
banyu sagayungan kamuhanya
+ Obat
panguliran adalah jua
_ nyalamakan
kabanyu tapaksa baangul jua
+ mun karindangan pang napa tatambanya
_ bawa
batamuan satuakan inya badua
+ ubat
bungul adalah jua
_ umai pian
ni mamalalain ha
+ sama ha
pada panyakit jua
_ marasa
bungul itulah tatambanya
+ orang balu
dimapa maampihinya
_ kumpulakan
lawan nang balu jua
Nang balu
jua ….. awaan ..aaa
_ Kanapa
pian baungkai kasupanan
+ maklum aku
kalumpanan
_ Kalumpanan
napa garangan
+ I ihlah,
ikam balu malima tahunan
…………………. Aaaa
wan aaa …wan
+-
kalumpanan, kita ba alun baparlahan
+- bamula
sudah kaita kauyuhan
+- sambil
bapikir dalam diri dalam badan
+- napa
pulang nang pacang di sampaiyakan
Awan…..
aaaa wan…
+- baik kita bapantun sabiji dua
+- sabagai
panghibur hati nang lara
+-
mananambai hati gundah gulana
+- maulah
muntung umpat tatawa
Tatawa …..
-
Mananam sarai
di pinggir jalan
Nyaman
mancabut gasan manggangan
Kakanakan
wayah ini pinda malaran
Kalas anam
sd sudah pacaran
+
Manggangan
tungkul lawan haliling
Iwaknya
papuyu lukahan
Ditangati
kuitan matanya manciling
Kada ma asi
kuitan kalu katulahan
_
Manyimpan
parang di higa lawang
Sandarakan
baganding dua
Katulahan di
sambar halang
Atau parut
burui mamancuk bilungka
+
Mamarut niur
ambil santannya
Gasan
manggangan hubi mantan
Parut burui
supan kada ba muha
Tapaksa di
jual bamumurahan
_
Kanas anum
masak di pantu
Di
karat-karat si pisang awa
Hidup di
dunia kada manatu
Di akhirat
pulang pacang calaka
Pacang
calaka ……
+
Kakanakan
waya ini
Dangarakan
ulun mamadahi
Jangan
sampai terjadi
Dalam badan
dalam diri
Khususnya
kakanakan bini-bini
Bisa banar
mancari laki-laki
Makanya
pulang baganti-ganti
Pamugaan
lawan yani
Anak tukang
sati
Nang kadua
lawan si rizki
Orangnya
tuha sudah bagawi
Tapi sayang
sudah babini
Nang ka tiga
lawan yugi
Kalakuannya
mambini-bini
Pacaran
bagilir baganti-ganti
Bila ari
ahat lawan rizki
Ari sabtu
lawan yugi
Mangawani
mayiapakan pangantin batatai
Mun wan yani
bilang hari-hari
Kawan
sakalas sakulah smp
Inya pacaran
wani bajanji
Saban
ikungan bajanji sahihup samati
Kada hiran –
hiran kawitan mamadahi
Inya pinda
cakah pinda wani
Irang irut
muntung kuitan mamadahi
Manyambur
sapah kasana kamari
Sidin
garigitan sampai ka hati-hati
Tangan
galitiran mamulas di pipi
Di sariki
kuitan tatap kada ma asi
Nang ngaran
mauk handak balaki
Tapaksa jua
mananambai
Mainta banyu
gasan minum gasan mandi
Kasihan ka
anuman mun balaki
Mambari
muar aku kada rigi
Di suruh
kulir kada bisa bacari
Manggangan
kada bisa apalagi masak kari
Hari –hari
gawiyan malihat tivi
Kada hapal
jua balum niat mandi
Di mapa mun
balaki
Anaknya pacang
jadi rimpi
Jadi rimpi……
a….. awan… aaaaa.. wan
-
Anaknya
pacang jadi rimpi
Gawiyan
bajamur hari-hari
Awak hirang
sampai ka dahi
Malamnya jua
tulak bacari
Manyuluh
kuduk di tangkapi
Di jual payu
salawi dua lawi
Gasan
mambari nafkah anak bini
Gasan bini
bapupur kili
Gasan anak
nukar baju yukinsi
Nukar baras
lawan iwak wadi
Bilang kada
cukup cari sahari
Jahanu bahutang lawan kai
Lawan kai ….
Kada kaubar
malajari anak bini
Takadang
datang bacari
Takana kada
baulihi
Bini
marangut rancak mama i
Awan….
Aaaa wan …
+
manambahiakan papadahan
kakanakan
baiknya di sakulahakan
karana anak
tanggung jawab kuitan
malajari
supaya jangan bubungulan
kalau parlu
sampai parguruan
supaya
mandiri kada umpat kuitan
sangatlah
panting itu pandidikan
gasan
manyongsong masa depan
bahagia
hidup mapan
terpandang
penuh kawibawaan
papadahan
orang bahari ingatakan
bangsal di
hulu karapatan
sayang
durian gugur bunganya
sasal
dahulu pandapatan
sesal
kemudian kada baguna
kada baguna
……
aaaa…. Wan…
padang singgulan
dipadang
banta, aaa… wan…
+ -
ba alun pulang baparlahan
maklum kami
suda ka uyuhan
sampai di
sini dulu kami bawa akan
madihin
sabagai hiburan
kami muhun
maaf maminta ampun
kalau ada
banyak kasalahan
nang tahilap
atau bamalang
sama-sama
kita jangan takalang
sabarataan
panuntun sampai kabalakang
ba alun
baparlahan
aaa. Waan.
Awan di awan awan
kalaulah ada
sumur diladang
bulihlah
kami manumpang mandi
kalaulah
umur kita panjang
di lain
waktu barjumpa lagi
………..
Wassalamu’alaikum
wr wb ….
Tidak ada komentar:
Posting Komentar