|
Beberapa pantun seperti di
bawah ini;
Semoga terhibur dan
bermanfaat serta menambah khasanah adat budaya banjar;
Sudah
tahu garubak lalu
Kanapa ikam kada kapinggir
Sudah tahu
diriku balu
Kanapa ikam
mati manaksir
Buah kuranji
talu talu
Buah timbatu
palabatnya
Nang lanji
balum tantu talalu-lalu
Nang balu
jua paharat nya.
Lanjung
bubus
kapayang hilang
Nang bujang
lumbus
Nang balu
tadahulu orang.
Cung kaladi
air
Sapat
malacung kucing mangair
Biar
bujang tapi ampun hair
Baik nang
balu asal cair
Dimapa akal
mangayuh jukung
Lamun
taambil pangayuh rimpang
Dimapa akal
mancari nang bujang
Lamun nang
balu sudah badatang
Tiup api
digunung lidang
Abu-abunya
kutampi jua
Kada bajodoh
salagi bujang
Balu-balunya
ku hadang jua
Dimapa
akal mamasak randang
Di cucuk
talu buat ka dandang
Dimapa akal
mabuang rindang
Taganang
nang balu sibalu kambang
Pupuyu galam
rambutan walang
Manggangan
caur pisang timbatu
Biar balu
mun jujuran larang
Baik nang
bujang langkahan talu.
Burung pipit
basarang di mayang
Hintalunya
di makan halang
Kaning
bararap bapadah bujang
Sakalinya
balu simpanan orang
Hitalu hayam sipisang awa
Caur kaladi
sigangan karuh
Bair balu
jujuran sapuluh juta
Tapi bamadu
banak tujuh
Habang
sinang sibuah jambu
Dimakani
warik tajun ka kacang
Habang
sinang pipi si balu
Kai nang
bujang pacang badatang
Umai-umai
buah mingkudu
Diputiki
buat ka lanjung
Umai-umai
ading nang balu
Mun balaki
cari nang bujang
Saribu dua
haraga gula
Ambil baju
dijamuran
Dari pada
bamadu bamadu tiga
Baik ku balu
ba u umuran.
Jangan
disangka sungai katiau banyunya dalam
Manangguk
sapat kana kalatau
Jangan
disangka orang nang balu tu badiam
Rancak
taungut hati nang galau
Paring buluh kuricih talu
Limbah diricih kukus ka api
Garing-garing hati orang balu
Taganangan sibakas laki
Mun timbatu padang
tirawas
Takaran
banih balik sagantang
Mun balu
jangan balawas-lawas
Kada baik
dipandang orang
Takar banih
sabalik sagantang
Baki dibalik
dihiga tawing
Kada baik
dipandang orang
Baik balaki
nyaman takurihing
Balik baki
dihiga tawing
Tawing
palupuh diganti papan
Baik balaki
si kawan guring
Nyaman jua
mancariakan.
Daun
kaminting kakasai bahu
Daun jahung
tatamba ngalu
Gaun
pangantin balumlah lasu
Kanapa ading
lakasnya balu
Daun jahung
tatamba ngalu
Habis lidah
liur pahit latang
Kanapa ading
lakasnya balu
Habis idah
aku badatang
Umai
ngalingnya mananggar hancau
Hancau
ditanggar di sungai bilu
Umai
ngalingnya maampihi ranyau
Ranyau
tanganang ading nang balu
Manangguk
sapat kana kalatau
Dadayan kain
sampiran tiga
Dimapa kada
taungut hati nang galau
Sakali
badatang nang balu baanak tiga
Tulak
maunjun ka bulu – bulu
Taulihi
kalatau tuku
Ikam balu
akupun balu
Lamun kawa
kita bersatu
Taulihi
kalatau tuku
Mandai tiwadak masak batanak
Lamun kawa
kita bersatu
Sama-sama
mambawa anak.
Umai kalulut
mamuntal rambut
Rambut
dipuntal sigatah nangka
Umai balu
pulang nang ganal burit
Rasa
tasimburut hati di dada
Umai kai
main kalikir
Di ulu-ulu
kakanakan habang
Umai kai
kada bapikir
Mamilih balu
nang hahayabang.
Putih kuning
buah mingkudu
Tapakai
tapih bahalai
Putih kuning
ading nang balu
Kawa kah
umpat kena batatai
Kambang
campaka harum baunya
Dicancang
campuran pupur basah
Jangan disangka balu-balunya
Sakali
diancang wan orang sugih
Bunyi
kuriding mandayu-dayu
Ulat bulu
maigalakan
Bujur balu
kada sambarang balu
Balunya balu
dalam pandangan
Ulat bulu
maigalakan
Ambil bilah
dihambatakan
Balu dalam
pandangan
Bulik nikah
kacilakaan
Ambil bilah
dihambatakan
Dimapa
mahawar katitinggian
Bulik nikah
kacilakaan
Dimapa
maantar kajajauhan
Sangkaku
kaminting pidakan
Sakalinya
biji timbatu
Sangkaku
bujang batahan
Limbah
ditakunakan sakalinya balu
Makanan
musang buah timbatu
Kamana hanau
di sadap orang
Kada pang
nyaman orang nang balu
Kamana-mana
jadi pandiran orang
Ujar pang banyak
birudu
Kuduknya
hanyar bahintaluan
Kadapang
nyaman orang nang balu
Maharagu
anak saorangan
Kadapang
tulak tulak maluku
Tukak maluku
kasungai pudak
Kadapang
nyaman orang nang balu
Ipar bailang
dipadahakan gandak
Kada pang
ngalih ma ambil halu
Halu diandak
di atas laladang
Kada pang
nyaman orang nang balu
Bagincu
habang satangguk mata mamandang
Amun pang
lintuhut tarasa ngilu
Ambil
balasam dikasaiyakan
Kadapang
nyaman orang nang balu
Saban malam
kadinginan
Muntung
itik angsa kaya susudu
Nala garing
sipanakawan
Kada pang
nyaman orang nang balu
Bantal
guguling di ulah kawan
Kada pang
katapang, katapang layu
Karung
baluyuk disangka buhaya
Kada pang
nyaman orang nang balu
Malihat
tarung ganangan ia
Ambil
rinjing andak di tungku
Kayunya kayu
palawan
Takurihing
gandak si balu
Balunya pang
balu rupawan
PERPISAHAN
Kalau ada
sumur di ladang
Bolehlah
manumpang mandi
Kalau ada
umur panjang
Bolehlah
berjumpa lagi
Rambut basah
imbah mandi
Ma nanak
nasi didalam panci
Bukan
perpisahan yang kutangisi
Tapi
pertemuan nang ku sesali
Asam pauh
delimau pauh
Rama-rama
batali banang
Engkau jauh
akupun jauh
Sama-sama
pada mangganang
Sarai
serumpun dipinggir jalan
Sarai
sabatang si umpan udang
Biar
bercerai jauh diseberang
Asal jangan
bercerai nyawa dan badan
Maurai banih
satikar dua
Dipatuki si
burung binti
Bercerai
jauh di mata
Selalu dekat
di hati.
Pisang awa
barang setandan
Mancabut
kacang ka pinang habang
Biar
berpisah nyawa dan badan
Budi nang
baik tetap dikenang
Lawas ma
asah lading balati
Gasan mairis
mambagi dua
Lawas
bapisah ku nanti-nanti
Mudahan
lakas kita bersua
duhai
sambilu paring patah
mata sembilu
gasan ukiran
duhai pilu
hati berpisah
banyu mata
kilir-kiliran
ambil
tantaran kabanua kapayang
manjurak
buah , sibuah sukun
lantaran
hati marasa sayang
satumat
tapisah rasa satahun
iwak pada
dipasah-pasah
limbah
dipasah masak ka dandang
daripada
kita berpisah
baik ku mati
di ujung pedang
batang
kurihang dibalah-balah
dahan-dahannya
di ulah kayu
sekarang
kita berpisah
mudahan
berjumpa dilain waktu
banang-banang
sudahlah jauh
jauh lagi
buluh perindu
ganang-ganang
aku nang jauh
lamun ikam
marasa rindu
PANTUN
PENGASIH
Umai
ngalihnya manimbai lunta
Akar manggis
bakulingan
Umai
ngalihnya mambuang cinta
Nang hitam
manis pangurihingan
Kucing kurus
mandi dipapan
Mandi
dipapan si kayu jati
Badan kurus
bukan tak makan
Mangganang
ading si jantung hati
Kalau
barabut kalikir kaca
Jangan di
pidak kalikir kai
Kalau di
hati merasa cinta
Gunung di
daki lautpun di seberangi
Walau
emas sekarat dua karat
Bakawan
intan permata
Kalau cinta
sudah berkarat
Telinga tuli
matapun buta
Rusa
dipadang banta
Digariti
sampai ka hutan
Rasa cinta
pasti ada
Kerena itu
anugerah tuhan
Kalau
matahari sudah terbenam
Lakas-kalas
mancacak lampu
Kalau cinta
sudah tertanam
Lakasi
tulakan kapangulu
Kaladi
berdaun dua
Buah kusambi
banyak biji
Kalau jadi
kita berdua
Kalambu
tilai ranjang wasi
Kaladi
berdaun dua
Makanan
kalimbuai pusing kiwa
Kalau jadi
kata berdua
Bulan madu
kakampung jawa
Kaladi
berdaun dua
Jangan di bawa ka kalua
Kalau jadi
kita berdua
Jangan lawas
lawan mintuha
Sangka ku
amas sakalinya loyang
Jangan
disapuh lawan tambaga
Sangkaku
adik nang bilang sayang
Sakalinya
aluh anak tatangga
Kalau panci
mananak nasi
Jangan
dikunci dikarimata
Kalau benci katakan
benci
Jangan benci
katakan cinta
Utas amas
tatakan intan
Intan
didulang di martapura
Awas hati
bila kan rindang
Jangan
sayang bapura-pura
Burung
pungguh terbang melayang
Jangan
singgap di batu bata
Sungguh aku
terlanjur sayang
Jangan ikam
mandua cinta
PANTUN
PANGANTEN
Asam
digunung garam di laut
Bertemu dalam
belanga
Bagaimanapun
jauh terpisah laut
Kalaulah
jodoh kan bersatu jua
Pisang mahuli di makan warik
Kura-kura
kada tarasa
Pangantin
batatai malirik-lirik
Tangan
bahahar kada tarasa
Putih- putih
kambang tanding
Kambang
taratai di sabalah kanan
Asik asiknya
pangantin batatai
Basanding
batatai di pelaminan
Laju perahu,
jukung kahakan
Dibuati
orang ba lima
Adat banjar di pakaiyakan
Kambang
goyang dikapala
Habang-habang
si jantung pisang
Nyaman di
gangan campur anakan
Duduk
bersanding tangan bapagang
Panganten
mandi basisimburan
Panjang
haduk sadapa dua
Dijarattakan
ka tihang guru
Panjang
jodoh sampai ka tuha
Ingatakan
janji pacaran dahulu
Mun mancari
biji kuini
Mananamnya
ka gunung titi
Mun bacari
sama-sama laki bini
Lakas jua
naik haji
Cangkul
tanah tanam gumbili
jangan ka
pasar baju talasan
Bausaha di
cangkali
Jangan umpat
mintuha balalawasan
Kanapa batu bahamburan
Di jajak
kambing sakurungan
Kanapa
panonton tatawaan
Gincu pangantin
kana paluh batinisan
Kamana
mancari biji sukun
Sukun di
tanam lawan kenari
Kamana
bacari panganten lakun
Lakun di
bilang raja sahari
Umpan mamair
pikurat bamban
Nang
manyambar iwak saluang
Ujar
panganten hanyar sabulan
Kanapa sudah
bapisah ranjang
Mancari
baung ka sungai japang
Sampai ka
awang baru
Panganten
baungsung bakuda gipang
Di arak
lawan kapala andaru
Mun
kaminting bahamburan
Ambil
tangkiring gasan wadahnya
Mun
panganten balamburan
Sewa madihin
hiburannya
ACARA NIKAH
Maulid nabi mambawa
asalai
Sudah adat
orang barabai sejak dahulu
Kami badoa
wahai mempelai
Mudahan
tuntung pandang ruhui rahayu
Kapasar
manukar tapai
Tapainya
tapai gumbili
Sampailah
sudah jodoh mempelai
Duduk
bersanding mengikat janji
Niur tandan
maampat biji
Susuk
rinjing kayu palawan
Bila sudah
mengikat janji
Habislah
masa bujang dan perawan
Hujan rintik
ditanai panci
Jangan
digangan lawan kenari
bila sudah
maucap janji
Jangan
diganang gandak bahari
Kumpai batu
makanan sapi
Kumpai
guguntus siumpan marmut
Sampai lah
jodoh mengikat janji
Panjang
jodohnya sampai ka maut
Mun kapasar
mancari sikarung goni
Jangan
dimuat kadalam kisaran
Mun kalian rasmi laki bini
Jangan umpat
kuwitan bauumuran
Asam pauh
delamau pauh
Rama-rama
batali banang
Ikam jauh
akupun jauh
Sama- sama
pada mangganang
Tulak ka
bukit mancari paring
Paring kilai
gasan pairan
Tulak ka
bukit mambawa garing
Garingnya
diri lantaran karindangan
Kakambat
mamasang jarat
Jarat
dipasang di bawah leci
Tambatan
hati sudahlah dapat
Dihadapan
pangulu mengikat janji
Iwak sapat
jamur sahari
Iwak tauman
dipanggang ramba
Sudah
badapat laki bini
Awak nang
garing diurutinya
Wahai niru
tampian rimpi
Mun ba antah
kumpul akan kadaun dadap
Wahai
bibinian nang sudah balaki
Wan duit
jangan bakidip
PANTUN
BAGAYAAN
Kambang
waluh malarak sanja
Diputiki
tunggal kakian
Si aluh
handak balanja
Minta duit
nu lalakian
Burung binti
singgap di kayu waru
Limbah ka
waru ka bamban pulang
Si aluh
balaki guru
Limbah
guru kumandan pulang
Ujar pang
kada bamasak
Cundai api
tuju ka tawing
Ujar pang
kada handak
Sirit mata
kada kalain
Ujar pang
banyak bagantang
Subuting-buting
kada baisi
Ujar pang
banyak badatang
Sikung-ikung
kadada nang jadi
Lamun tarus
batimbun api
Batimbun api
habunya di buang
Sambil
taungut sakit hati
Rasa taganang
nang babaju habang
Lamun handak
mamuai wanyi
Bawa tali
gasan uluran
Lamun handak
takuni hati
Jangan
badusta bau u umuran
Titian
paring jumbatan kayu
Larut
sababat di banyu landas
Umai pang
sabar dahulu
Sabar
satumat kada pang lawas
Alun-alun
mambawa lilin
Lilin
manyala tarang pang tarang
Kada pang
ulun pacang ka lain
Pian jua
nang ulun hadang
Raja banalu tumbuh di para
Mandua tahun
kada babuah
Jangan
taburu handak bapara
Hadangi ulun
tamat sakolah.
Tulak
manyubarang ka surabaya
Umpat manumpang
di kalimutu
Tulak
badatang mambawa kabaya
Mudahan
ading hakun lawan daku
Ambil sirih
kapur sadikit
Gasan
manginang cauri pinang
Hati nang
lirih batambah sakit
Mandangar
ading dipinang orang
Umai pisang
dimakan musang
Handak di
jarang tinggal sadikit
Hati pusang
batambah pusang
Handak
badatang kada baduit
Kuluman
timbaku jawa
Sapah di
buang kadalam cawan
Aduhai badan
tambah marista
Tarnyata
ading sudah bakawan
Surindang
siang siburung balam
Tarabang
jauh, singgap di kayu mati
Merana badan
siang dan malam
Mangganang
ading lupakan janji
Kuranji
dihalaman
Kada
kusangka babuah lagi
Bajanji
berpegang tangan
Kada
kusangka ba ubah lagi
Umai ari
panas manggantang
Kanapa labangan ikam putiki
Umai ading
purunnya pang
Kanapa akang
ikam dustai
Maayam purun
ulah kayang-kayang
Kanapa di
ulah wadah lunta
Talanjur
purun adingku sayang
Kanapa ikam
mambagi cinta
Iwak siam
dipindang-pindang
Iwak sapat
masak bapais
Biar mati di
ujung pedang
Asal dapat
nang hirang manis
Taungut
burung pialing
Matan kandangan
ka kayu rabah
Taungut
bapadah garing
Karindangan
supan bapadah
Jaruju
padang jumampai
Paikat laki
dadayan kain
Lamun judu
baluman sampai
Kahandak
hati kada ka lain
Jambu biji
di balah dua
Sabalahnya
gasan kakanakan
Lamun jadi
kita berdua
Nyawa dan
badan aku serahkan
Batang alai
banyunya landas
Banyak orang
mandi di batang
Sungguh
malang kasihku kandas
Gandak
seorang di ambil orang
Buat apa
patah kemudi
Kumbang kada
saikung, kambang kada sakaki
Buat apa
berpatah hati
Baik mancari
nang lain lagi
Jar babuah
si pohon bungur
Dimakani si
burung binti
Biar ku
hidup menganggur
Asal punya
harga diri
Mambanam
panai di bara api
Manukupi wadai kamiran roti
Buat apa
basakit hati
Sayangku
hanya setengah hati
Manyadap
pikung di hanau luntung
Laangnya tinggal
satangah ruas
Nasibku
malang kada bauntung
Kasih
ditolak ading nang bungas
Rambai padi
gugur ka banyu
Dimakani
iwak saluang
Duhai hati
terasa pilu
Kasih
dikampung di ambil orang.
Hari pang
ini mambantang tali
Tili
dibantang jadi dadayan
Hari pang ini
kita bajanji
Sambil
bajanji bapegang tangan
Manaik
manggis ka marga sari
Sapu tangan
babalang habang
Aku
manangis malam tadi
Lamun
pacaran di ambil orang
Satiap malam
bamain tali
Tali diandak
di atas meja
Satiap malam
guring tamimpi
Mimpi bagaya
lawan kakanda
Ambil sirih
ambil pang gambir
Kapur
sadikit gasan manginang
Aduhai
banyumata bakiril-kilir
Rasa sakit
kada tasandang
Anak balibis
hanyar bakunyung
Mandi dikali
kadanau pulang
Halin diri
kada bauntung
Lawas
mahadang di ambil orang
Ambil pinang
dibalah dua
Lalu diraut
buat ka sirih
Hati
pusang dimapa jua
Duhai
diputusi oleh kekasih
Dimapa
manangkap ular puraca
Lamun
basungkup dalam luang
Dimapa kada
marunca-runca
Lamun hati
rasa dikarukut bidawang
Daun pacar kakasai kaki
Kulipak tungkulan
talapak kaki
Lamun
pacaran sudah balaki
Jangan badan
bagantung diri
lamun tursi
kakasai lancat
Jangan
dikasai lawan jalatang
Lamun benci
ikam malihat
Jangan dikata aku nan jalang
Baju lapis
kutang
Silawar
tapung kurita
Kawarung
bahutang
Ruku mainta
PANTUN
NASEHAT
Bangsal di
hulu kerapatan
Sayang durian
gugur bunganya
Sesal dahulu
pendapatan
Sesal
kemudian tiada berguna
Asam kandis
asam gelugur
Mamasak
wadai kada ba loyang
Menangis di
pintu kubur
Teringat
badan kada sembahyang
Kitik-kitik
daun rumbiya
Daun nangka
balik tilantang
Apik-apik
dalam dunia
Api neraka
sudah mahadang
Berburu
kepadang datar
Mendapat
rusa belang di kaki
Berguru
kepalang ajar
Bagai bunga
kembang tak jadi
Kalaulah ada
tiada berada
Masakan
tempua bersarang rendah
Kalaulah ada
tiada berada
Masakan tuan
datang ke rumah
Manggangan
waluh dicampur bihun
Umay
nyamannya caur iwak saluang
Ujar orang
tuha jangan bagamal diwatun
Kaena
katumbukan basa orang
Jangan ma
ambil kambang rambutan
Kaena walang
kada babuah jua
Jangan banyanyi
sambil baharaguan
Kaena ujar
orang balaki tuha
Umai ngalih
manarik si daun niur
Mun manarik
matan di hujung
Umai ngalih manarik
pandir
Mun lidah
kada batulang
Tunggul
tambatan jukung sabura
Tempat orang
manimbai lunta
Ilmu
tambatan rasa harta tambatan cinta
Sedangkan
iman tambatan jiwa
Mun mamilih,
mamilih kangkung
Jangan
mamilih nang sudah lawas
Mun mamilih, tapilih bangkung
Tapilih jua
hambatan di kalaras
Manyanga
samu bacaur mandai
Makan
batambah sampai mariga
Ganangan
ilmu sudah mamadai
Limbah
dibanding kapir pada cina balanda
Disana
gunung di sini gunung
Di
tengah-tengah bunga melati
Kesana
bingung kesini bingung
Yang tengah
jua pilihan hati
Pasang
lalangit gasan mamais
Kananya iwak
saluang
Duhai langit
kanapa manangis
Malihat
galuh lapas karudung
Umai mayang
sangkut di dadap
Manjuraknya
pakai paikat
Umai diang baindruk handap
Tampaha
hirang basapai kunat
Buah durian
di tampuyak
Manggangan
kacang bacampur tarap
Diang galuh
baungkai katiak
Bulunya
panjang ba bau tarap
Manjalin
lukah lawan paikat
Handutnya
batantang dua
Iyang ganal
ba baju singkat
Kalihatan
pusat india
Ka kali
manimbai lunta
Iwak pada di
hiris-hiris
Sakali
wanita ternoda
Selamanya
dunia kan menangis
Balambika
laki ba salimbada
Mun manumbai
harap di maklum
Seribu kali
lalaki ternoda
Dunia masih
bisa tersenyum
Umai hundang
ba buku-buku
Mun kada
babuku iwak tauman
Umai diang
tapih bajarat ka bahu
Mun
tabalului kalihatan saikungan
Kaladi
badaun dua
Tapih
bahalai kada basisi
Mun jadi
kita badua
Kalambu tilai
baranjang wasi
Kambang
sakupak
Sukun di
kuyak
Cinta di
tolak
Dukun batindak
Banang halus
tali kalayang
Bawa
basunting pagat di hujung
Iyang halus
babaju kaliwang
Kalihatan
susu kada bakutang
Mambanam
iwak haruan
Cacahannya
ba sambal acan
Potongan
kaya jadi jagawan
Taguhnya
orang, saurang kurapan
Mangawat
umpannya halimbatar
Kana iwak
hibak karanjang
Potongan
kaya orang pintar
Saurang
longornya, pintarnya orang
Burung
sintar mamakan galagah
Galagah
basarang di kayu jangar
Orang miskin
makanan orang sugih
Orang bungul
makanan orang pintar
Lading
balipat di atas tudung
Gasan manyasap
si kacang panjang
Ading bungas
liput karudung
Ba rok
panjang bajunya habang
Tanam pinang
babaris baris
Mun babaris
nyaman di pandang
Hati pusang
mata manangis
Mun hulu
hilir bahambur hutang
Pa aluhu
lima yurid
Tulak
manurih ka lambunganak
Urang balu
ganal burit
Urang tuha
manganganak
Bajual niur
tulak ka kota
Cangkul pang
tanah mananam sirih
Pandir lacak
bacaur dusta
Cangkal
bahutang ngalih di tagih
Jangan
tapalit gatah himbawang
Mun tapalit
luyuh bakuring
Ading bungas
bahidung mancung
Pipinya
mulus kaya pauh dilayang
Hari pang
ini manggangan humbut
Handak
manggangan ambil pang santan
Tasalah
pandir ngalih mancabut
Lakasi minta
maaf maminta ampun
Ganal- ganal
si buah hanau
Mun manutuh
pakai gargaji
Utuh ganal
guring malandau
Mata
pisi-pisi baliur basi
Burung
perkutut singgap di kayu
Limbah di
kayu turun ka aspal
Selagi anum
kada ilmu
Sudah tuha
napa di amal
Kuduk kurus
sikurat bamban
Barang-barang
bulunya ikal
Duduk di
gardu ba mamalaman
Urang tuha
kada ba akal
$$$$$
Umai
labatnya si buah nangka
Buah
kanas di bagi tiga
Umai
haratnya kada disangka
Sigaluh
bungas mancabang tiga
Hirang-hirang
si burit panci
Lamun
hilang ngalih bamasak
Biar
hirang berhati suci
Lamun
hilang jangan di gasak
Tabang
bamban kuricih-ricih
Limbah
kuricih kubabat pulang
Hati
dandam bamula ampih
Limbah
badapat baumpat pulang
Umai
kancil di makan sawa
Baulai
jua managuk talanan
Umai
acil tapih di dada
mun tabalului sarang halang kalihatan
buah
kuini mulus sabukuan
sakalinya
bapira sampai ka biji
gawian
nini manyupanakan
gincu
sampai kapipi, baju yukinsi
Paring
kilai gasan unjun
Maunjunnya
ka sungai kamis
umai
kai kada tahu di supan
saban
malam mawarung gadis
Maunjun
ka sungai kamis
Kananya
iwak pupuyu galam
Saban
malam mawarung gadis
Huban
bahambur, giginya kilum
Kananya
pupuyu galam
Pupuyu
galam nyaman di bakar
Huban
bahambur, gigi kilum
Bajalan
taundur, pipi pun kandur
Handak
manggangan kada baniur
Daunnya
barang di ulah janur
Umai
kai ganang umur
Mata
kaur, parak masuk kubur
#####
Habang
kuning buah sumangka
Biji-bijinya
jangan di buang
Aduhai
sayang kada di sangka
Pacar
tersayang di ambil orang
Kastila
masak mangkal
Di
jajak linak-linak
Orang
tuha kada ba akal
Bakawan
kanak-kanak
Kaladi
bakawan mali-mali
Di
cabut lawan cangkul
Bajalan
mambawa buku lali
Kaena
tasipak tunggul
#######
Maambil
bakul wadah kanas
Kanas
dikupas gasan mamancukan
Rambut
ikal rupa bungas
Tapi
sayang parangutan
Bagang
buti disangka mantan
Hati-hati
mancabut kena gatalan
Diang
bingking bajalan di jambatan
Silawar
hundap tampaha kalihatan
Mancari
paring tulak ka gunung
Baulah
nyiru gasan tampiyan
Tampaha
putih kuning mangkunung
Maulah
kai gaul galianan
#######
Mancari
hundayang tajajak suluh
Gasan
mamupui samlimbada
Mancari
bujang ka sungai buluh
Ta
ulihi nang balu ba anak tiga
Ampah
ka hulu mambawa pinang
Sirih
gambir di bawa jua
Urang
balu bapadah bujang
Mun
balaki ba akai jua
Sirih
gambir di bawa jua
Mun
bakucur umpat mainta
Mun
balaki ba akai jua
Mun
di suntik duktur cinta
Bila
bakucur umpat ma inta
Mangasai
kurap di pagalangan
Di
suntik ka duktur cinta
Dimapa
jarumnya kaya tarung banaman
Mangsai
kurap di pagalangan
Lakasi
jarat wan sapu tangan
Jarumnya
kaya tarung babanam
Kada
pang lawas tumbul galiyanan
Masjid Alfaizin di simpang sapuluh
Masjid
Attaqwa di Kayurabah
Orang
mangaji tulak basuluh
Balajar
sifat dua puluh
Bila
kakanakan handak batumbangan
Ka
masjid Jatuh tulak jiarah
Mulai
Wujud sampai Muttaqallimun
Itulah
sifat yang wajib bagi Allah
Pisang
manggala ambil daunnya
Kastila
tumbuh di higa pancur
Mengenal
Allah itu wajib hukumnya
Supaya
jangan sirik ba u umuran
Awan
di langit bakakapungan
Di
tiup angin sampai kahujanan
Islam
itu manyarah ka lawan tuhan
Taat
ibadah bukti keimanan.
#######
Tidak ada komentar:
Posting Komentar