PANTUN HULU SUNGAI
Oleh :
Algazali
Pantun ini
sebagai hiburan, balulucuan, pelipur lara, sindiran, nasehat atau pun sebagai
tamsil ibarat.
Buah
sukun masak dipantu
Paku
di tawing sangkutan kain
Mun
hakun batantu-tantu
Nyaman
aku kada ka lain
Buah
sukun masak di pantu
Masak
di pantu lalu di sanga
Mun
ikam hakun batantu-tantu
Bulan
kaena aku bapara
Bangkak
batis kasuban jaruju
Lakasi
di kuit pakai sambilu
Mudahan
kita ada bajudu
Lakasi
tulakan ka pangulu
Paikat
laki sadayan baju
Mun
basadai lakasi lipati
Maikat
janji dihadapan pangulu
Ruhui
rahayu sampai ka mati
Paikat
laki dadayan kain
Baju
nang baal dadai ha jua
Nyaman
aku kada ka lain
Pikiran
ikam di mapa jua
Mamasang
lukah sampai kalua
Talibasi
kampung talanan sawa
Pikiran
ikam di mapa jua
Mudahan
aku ikam tarima
Ikat
pinggang si kulit sawa
Mamasangnya
tumatan di kiwa
Mudahan
aku ikam tarima
Nyaman
madam kakampung riwa
Jadam
di untal sabiji dua
Gasan
tatamba awak katuran
Madam
kakampung riwa
Bacari
duit gasan jujuran
Gasan
tatamba awak katuran
Baik
ba urut awak saikungan
Bacari
duit gasan jujuran
Takumpul
duit tunggal katipan
Karalas
pisang kakasai singkip
Banam
ka api, habunya dimandiakan
Duit
takumpul dua tiga katip
Mangaruni
manurih katangah hutan
Mamasang
paku ambil pang tukul
Manatak
kain pakailah gunting
Duit
cukup sudah takumpul
Lakasi
bulik nyaman ba datang
Tamak
nasi kadalam rantang
Gasan
sangu tulak ka padang
Lakasi
bulik nyaman badatang
Balangsar
jua bibiniannya mahadang
Gasan
sangu tulak ka padang
Iwak
sarunding bacampur gula
Balangsar
bibiniannya mahadang
Dimapa
nang sugih pacang bapara
Sarunding
bacampur gula
Katapi
suntul singgapan binti
Nang
sugih pacang bapara
Tapi
sayang sudah bajanji
Katapi
suntul singgapan binti
Binti
basarang di kayu mati
Tapi
sayang sudah bajanji
Janji
setia sampai ka mati
Binti
basarang di kayu mati
Ambil
sadahan di ulah bara
Janji
setia sampai kamati
Walau
makan sepiring ba dua
Naik
kerita ka padalarang
Jangan
lah lupa manukar dupa
Biar
derita di pandang orang
Asal setia sampai ka tuha
PANTUN SINDIRAN
Riang
riut punduk di hutan
Karabahan
pisang timbatu
Irang irut muntung kuitan
Mamadahi
anak minantu
Manukar
jambih ka pasar ampah
Balum
dipakai sudah tajahai
Sumbang
sambih bahambur sapah
Kada
maingat nini bamamai
Kapala
bincul di sangat karawai
Sarangnya
rusak takana jurak
Kada
maingat nini bamamai
Panginangan
sidin di uraurak
Sarangnya
takana jurak
Gasan
ma unjun ka sungai buluh
Panginangan
sidin di ura urak
Cucu
mucil ma ulah suluh
Paring
kilai panjang sadapa
Rabahnya
ka padang jaruju
Kai
sarik kada mananca
Tingkuan
sidin di cuntan cucu
Habang
hirang buah rambutan
masam lasut kada sakira
Habang
hirang muha kuitan
Kahilangan
duit gasan balanja
Baras lingis
iwak karing kada basisa
Handak
bamasak kada batungku
Kaya apa kuitan kada marista
Anak
mananak, minantu mamantu
Kulanda
masak kada basisa
Di
makan warik mandua tiga
Pinda
harat piragah bisa
Sakalinya
naik manggitir jua
Anak kulanda
tanam di higa
Di
higa rumah turusnya tiga
Pinda
harat piragah bisa
Tapih
bakarut baju takinca
Anak
balanda babaju sutra
Tapih
kurung babalang habang
Pinda
harat piragah bisa
Kopiah
jangang tapahalang
Tulak mamair ka sungai buluh
Baju
lapis kutang, silawar kurita
Lacak
pandir piragah sugih
Ka
warung bahutang, ruku mainta
Mangarakah
nisan paculan gigi
Gigi
malacung ka lukah uwa
Pinda
cakah nang pinda wani
Di
kapung sandah tabukah jua
Kambang
pudak panjang sakilan
Gugur
ka batang larut ka hilir
Duduk
di warung ba tangharianan
Mahambur
hutang di hulu hilir
Kalayangan
dandang pagat di tangah
Puntal
banangnya ka piluntang
Pandir
lacak mamarupuk mandah
Sakali
di tusik handak bahutang
Ragi
sakilo, lakatan sabutah
Tapainya
mangkal buat ka upih
Lagi
parlu ma anduh-anduh
Cangkal
bahutang ngalih ditagih
Gamal
babun bakarasminan
Agung
di tangkur, kalining layau
Utuh
ganal bajaga bamalamanan
Guring
malayur, bangun malandau
Curiak
si burung palung
Singgapnya
di kayu jati
Bakuriak
mainta tulung
Tali
silawar tajarat mati
La ang
saruas buat ka rinjing
Manyadap
hanau langan limbayan
Awak
diang putih mangkunung
Limbah
di janaki, bapanau saikungan
Kuduk
kuradai makan limbatar
Sisiur
agung tarabangan
Bibinian
duduk takumpul di pulatar
Pandir
puruci bakukuyaan
Iwak risi
iwak haruan
Anak
birudu di umpanakan
Ba isi
mintuha nang paharuan
Minantu
nang miskin di undurakan
Jangan
mamair ka sungai durian
Kalu
takait awak buhaya
Jangan
bapandir calungap sandukan
Kalo
di tapak mintuha di muha
Anak
hundang di pindang saja
Handak
di panggang kada bakunyit
Anak
orang di pandang saja
Handak
di pinang kada ba duit
Kada
bagula galapung tapung
Handak
lamak, banyaki niurnya
Kada
bakula, tagal sakampung
Tarasa
jua kancur jariangaunya
Gula-gula,
galapung galapung
Diulah
limping diulah wadai
Bakula
kada bakula asal sakampung
Sandah
kuyang datang manamui
Kanapa
rukam baduri ampat
Mun
kasusuban lakasi kuit
Kanapa
ikam basilawar kantat
Bawa
badangkak cawatnya rabit
Tiwadak
masak mangkal
Bunyi
bilatuk litak-litak
Urangnya
lamak mungkal
Mun
baduduk mantar rumbia satatak
Limau
kuit si limau nipis
Gasan
cacahan iwak haruan
Lagi
baduit pakayan nicis
Kada
baduit awak ringkutan
Banyu
mgalacar, jukung di batak
Laju
baisukan, tahawar ambun
Tulak ka
pasar pinda ba agak
Baju
gusukan, silawar injaman
Sungsung
kahutan mambawa kapak
Gasan
manabang pisang timbatu
Takarungsung
kurihing simpak
Mancari
nang bujang tapilih balu
BASAPIDA
MUTUR
Salimbada tumbur kana pipui
Jangan
di tapak lawan kastila
Basapida
mutur piragah lihai
Kalu
tarumpak satum bagana
Anakan
ditangguk tahambur-hambur
Lamun
tahambur lakasi bakumpulan
Kakanakan
basapida mutur
Uma
bapanya mahulunakan
Basapida
unta alun-alunan
Ditunjak
manjul satangnya pingkur
Basapida
mutur balalajuan
Tarumpak
tunggul mambawa umur
Papan
baukir di hiringakan
Kalatau
tuku umpan barunak
Basapida
mutur banyanyaringan
Kalu
di tukun hantu baranak
Giur-giur
singgap di jingah
Singgap
di jingah duduk maungut
Basapida
mutur baungah-ungah
Sakali
lingah maranjah got
Balik
gantang litaran dua
Takaran
cupak tampurung jua
Bulik
bahunda di gapit dua
Limbah barampak lawan satria
Patis
masin kangkung mantah
Parut
niur gasan maurap
Batis
tangan tingkung patah
Maarit
cacat saumur hidup
PANTUN
NGARAN KAMPUNG
Dihulu Karuh, ditangah Bukat di hilir Jaranih
Nang
di lalui sungai Barabai
Jangan
bapikir nang anih-anih
Itulah
nama kampung di hulu sungai
Jangan
takutan ka Hujung Tanah
Kada
tajunggat lamun ka sana
Kada
takutan bakuci tanah
Dimapa
gawiyan jua pang bahuma
Awang
Baru kada batangga
Di
situ ada jumbatan Balanda
Katuju
maharu lawan tatangga
Maulah
urang kada rigi kada rida
Dahulu
Sungai Ular
Wayah
ini Kambang Bawarna
Dahulu
anum pinda liar
Sudah
tuha hidup merana
Pandawan
Buntar Kambat Selatan
Nyiru
paring paruduksinya
Bakawan
pintar nyaman pandapatan
Ngalu
paning itu panyakitnya
Manukar
pasir ka Kambat Utara
Manukar
Karangan Ka Balimau
Lamun
manaksir lakasi bapara
Lamun balalambat
kalu layau
Kolang
kaling si bakul purun
Orang Walatung
ampun ulahan
Kapala
paning bisul marantan
Gigi nang
rumpung tambaliyakan
Marampak
haur ka Banua Batung
Di
Batung Karasik ada Angsana
Kambang
sakupak, si kambang goyang
Lamun
babisik tanda mahina
Iwak basamu
iwak pakasam
Urang
Mahang ampun gawiyan
Lamun
muha pinda lasut masam
Kada
baduit bayar arisan
Manukar
garinting di Kayurabah
Singgah
satumat ka Kalaka Raya
Awak
garing bakas balapah
Untal
Sarigading hintalunya tiga
Ka
Pinangin ampah ka Buntar
Ka
masjid Jatuh handak batumbang
Awak
mariap dingin caur manggatar
Buat
ka butah lalu balabang
Sungai
Hanyar kada basungai
Batakan
Hilir kada bapantai
Pangantin
hanyar kada batatai
Talalu
rancak jalan baimbai
Pulau
Satiap bajual hatap
Ka
Hulu Rasau manukar kursi
Saban
malam hati maratap
Limbah
batamu gandak bahari
Di
Banua Supanggal baulah tapai
Kampung
Buluan parak Hadikat
Hinak
mahungal galung tajahai
Diapang
bibi-bini bakas bacakut
Tabuk
tanah ka Banua Asam
Wadah
urang mambanam bata
Umai
galuh batapih lasam
Limbah
pangantin di hari Arba
Kada
bahantu pang di Panggang Ramba
Lamun
bahantu urang takutan
Kada
minantu, anak mintuha
Rancak
mamantu, rancak jua bahuwalan
Palajau
jauh, Masiraan jauh
Matang
Ginalon taparak kota
Kalau
handak bajalan jauh
Alun-alun
maninjak sapida
PANTUN HANDAK MANYAMBUNG SAKULAH
Lamun
manggantung si gayung balah
Baik
manggantung di atas kayu
Lamun
tuntung tamat sakulah
Baik
manyambung manambah ilmu
Jukung
pacah kayuh baramu
Gasan
maulah rumah raja
Manyambung
sakulah manambah ilmu
SMA,
Aliyah sama haja
Lamun
kawa manyuai bubungan
Bubungan
di suai kada takinca
Lamun
kawa sasuai sambungan
Sambungakan
ka pesantrin haja
Umai
baiknya pangantin raja
Duduk
basanding di singgasana
Lebih
baik pesantrin haja
Sebagai
pewaris para ulama
Tidak ada komentar:
Posting Komentar